BIONerdics

2008-04-19T23:18:00.000Z

Til Hamó með Ammó Ragna gamla!

Köfunarferð?

2008-03-23T11:53:00.003Z

Ég segi að Grúppan þurfi að fara í almennilega köfunarferð saman á næstu árum!!!
Rauðahafið eða eitthvað álíka spennandi!!!

Þrjár góðar ástæður fyrir að heimsækja Plymouth.

2008-02-26T20:36:00.005Z

1. Fara á brimbretti eða bodyboard (n.b. þetta er í byrjun feb... kaldasta tíma ársins).

2. Knúsa bubbles og squeek sem leggja sig gjarnan á rúmminu mínu.

3. Fara uppá þak og grilla í góðu veðri.

Í miðri viku...

2008-02-13T09:19:00.003Z

Hæææ sveppalepparnir mínir!
Ástæðan fyrir því að ég tek mig svona óvænt til og skrifa nokkur orð er að ég átti að vera í tíma í umhverfishagfræði, sem af óþekktum ástæðum féll niður. Nú... það þýddi að ég þyrfti að fara að læra og hvað er betra en að skrifa bloggfærslu inn á bloggsíðu í andarslitrunum í staðinn fyrir að leita uppi einhver IGO til að skrifa um... Mér finnst ég amk vera að gera góðverk :)

Í morgun fékk ég ógleeesa góðan morgunmat! Besta í geimi!
Gabríel, þessi elska, var búinn að baka nýtt brauð sem er kreisý gott og líka koma með svona súkkulaði spread heim. Svo ég setti það á nýja brauðið og pínu rjómaklessu ofan á. Svo drakk ég með þessu te og mmmhh.... guð so æægilega huggó!
(en reyndar er ég með pínu brjóstsviða núna, kannski er ekki allt of sniðugt að hafa rjóma í morgunmat... mar veit ekki...)

Hrönn er sumsé komin aftur frá Kenýa og fjölskyldan í heilu lagi, hjúkket! Ég byrjaði að skoða myndirnar, en var fljótt svo hriikalega abbó að mér varð flökurt svo ég hætti að skoða... Miiig langar líííka!
Eeen ég er að fara til Grænlands núna 27 feb... það verður amk tilbreyting. Þó það verði örugglega hrikalega kalt. Selaát, (ísbjarnaveiðar), hundasleðaferðir og göngur í stórbrotinni náttúru Grænlands undir leiðsögn innfæddra, með frábærum félagskap, munu þó án efa ylja mér um hjartaræturnar.... Svo ég má vel við una.

Er byrjuð að læra frönsku, búin að fara í tvo tíma... ég er sumsé búin að læra stafrófið, þrjár sagnir; að vera, að hafa og að borða, og svo einn málshátt. Væsgo!

Fleira var það svosem ekki í bili...
nema kannski eitt... eruði að grínast með viðtalið við Villa síðan í stóra olíusamráðsmálinu!
Sko þessi kall!

Þangað til næst.

2008-01-20T11:54:00.000Z

Jæja...
Ég er sammála Sindra um að þessi síða eigi skilið meiri athygli heldur en henni hefur verið sýnd síðari hluta síðasta árs.
Það er sumsé búið að vera fjör á liðinu, bústaðaferð 2-4 jan og fádæma góð þáttaka... -1 að vísu en engu að síður frábær ferð.... og ekki var verra að hafa Ubaldo til þess að taka stöðu Inga í heita pottinum.

Nú svo var fundur hjá Tóbaksklúbbnum Sigfinni þar sem tekið var í Trivial, flotta bifreiðin hans Inga borin augum og gin í sódavatn teygað. Síðan var farið í Öskju á bjórkvöld sem var líka mikið fjör og þaðan niðrí bæ. Allsherjar fjör og skemmti ég mér konunglega. Því er ekki úr vegi að fara að plana næsta fund hjá Tóbaksklúbbnum.... það er ýmislegt sem þarf að fara yfir.

Hrönn er í Kenya, með Yann og hálfa ættina mína... ég vona að það sé allt í orden og að þau haldi sig víðsfjarri hinum ógurlegu óeirðum.

Annars var það ekki fleira í bili,

þangað til næst

CHEVROLET MALIBU 1979

2008-01-08T15:18:00.001Z

Gleðilegt nýtt ár kæru félagar! Nú líður senn að spilakvöldi í nýja kondoinu mínu og að því tilefni ætla ég að fræða ykkur aðeins nýjustu fjárfestingu mína, draumabílinn.

Í sumar, nánar tiltekið 16. júlí, frétti ég af þessum fagra fáki inni í bílskúr hjá miklum heiðursmanni, Páli Bergþórssyni. Síðan í sumar hafa samningsviðræður farið fram sem leiddu að lokum til þess að sjálfrennireiðin varð mín hinn 20. desember á þessu ári. Sjaldan hef ég hitt jafnmikið ljúfmenni og hann Pál og þakka ég honum kærlega fyrir viðskiptin. Bílaviðskipti eru yfirleitt einhver þau leiðingjörnustu sem ég á í, enda sölumaður lítill, en þau voru svo sannarlega ánægjuleg í þetta skipti.

Nánar um ökutækið. Þessi Chevrolet var framleiddur árið 1979 í USA. Verksmiðjunúmer hans er 1W27H9B466509 og er bíllinn drappaður á litinn. Vélarstærð er V8, 5 lítrar, nánar tiltekið 305 vél. Hann er ekinn frá upphafi 65600 kílómetra og hefur verið í eigu eins nær allan tímann.

Þeir kunnu að búa til farartæki á þessum tíma og eru ýmsir aukaeiginleikar sem bílinn býr yfir. Þeirra á meðal er vökva- og veltistýri, rafmagn í framsæti og rúðum, loftkæling (A/C), krús-kontról og FM/AM útvarp ásamt segulbandstæki.

Ég er stoltur af því að segja að meðalaldur bílanna minna er 25 ár...sem er talsvert meiri aldur en meðalaldur bílaflota Íslendinga. Mikil ánægja fylgir akstri bílsins og er hann þýður í alla staði.

Hlakka til spilakvöldsins..og ef þið verðið þæg fáið þið kannski að sjá farartækið;)

Kveðja, Ingi

Gleðilegt nýtt ár

2008-01-01T15:00:00.001Z

Gleðilegt nýtt ár kæru vinir og þakka ykkur fyrir hin liðnu. Megi nýja árið bera í skauti sér fleiri frábærar samverustundir og ný ævintýri. Þegar litið er yfir árið hefur það verið nokkuð viðburðarríkt hjá okkur og má þar helst nefna útskrift okkar Bionörda og ævintýraleg ferð okkar til Tælands (hóst .... Ingi) ásamt meira glensi. Stutt í fyrsta flippið ...... sjáumst í flippferðinni.

Svo verður þessi síða rifinn upp úr þeirri smávægilegu lægð sem hún hefur verið í síðari hluta þessa árs. Já ég held það sé málið . . .

Gleðileg jól

2007-12-25T20:30:00.001Z

Jæja gott fólk nú eru jólin gengin í garð. Allir vonandi jafn saddir og sælir og ég. Ég er allaveg svo sæll (útbelgdur) að ég veit ekki hvort ég stend eða sit þessa stundina. En þetta er bara svona flest eins og það á að vera á jólum, meira að segja kom alvöru jólasnjór en það er nú víst ekki sjálfgefið nú til dags.
En hafið það gott nirðirnir mínir (ofan í konfektkössum og matardöllum). Svo styttist nú óðum í að við hittumst öll. Væri samt alveg gaman að grípa í spil eða eitthvað fyrir 2.jan.

Funny

2007-11-18T21:36:00.000Z

Bara að athuga hvort það er hægt að blogga vídjó:)

Dúbbí dúbbí dúbbí Dúúú...

2007-10-20T23:21:00.000Z

Blúbb blúbb blúbb

2007-09-16T11:17:00.000Z

Nú loksins er ég búin að setja allar myndirna frá Tælandi, sem teknar voru "underwater" á netið. Tékkið á "underwater" möppunni á myndasíðunni minni (hér).
Eða betra... pabbi var svo vænn að skella öllum myndunum í gegn um photoshop og leiðrétta fyrir "underwater" og er hægt að nálgast þær myndir hér.

Adios amigos!

Kaffi Öldur Master

2007-09-12T18:37:00.000Z

Í dag komst ég að því að ég er komin með fráhvarfseinkenni frá Íslandi. Málið er það að kaffi er betra heima. Í öskju er þessi fína kaffivél á þriðju hæð og voru kaffiferðir í fylgd með Sæma (lu king of Caffee) ófáar síðustu misseri, svo var maður með fína pressukönnu heima, og ef maður fór í heimsókn til Ma og Pa þá var þar að finna besta espresso kaffi norðan Alpafjalla.

Ég tek vægt til orða þegar ég segi að kaffið hjá MBA er "sh*t in the form of liquid". Þvílíkur óbjóður. Held að Bretland sé almennt á eftir í kaffiþróuninni, þar sem sumt fólk í vinnunni virðist hella þessu ofaní sig... ekki með bestu list þó... frekar sem nauðsinlegur kaffeinskammtur dagsins, svona einsog að taka lýsi. Af þessum ástæðum hef ég ekki drukkið mikið kaffi hér í UK, maður er nottla þjóðlegur og drekkur te í staðin.

Í dag ákvað ég að koma með mitt eigið kaffi í vinnuna, og hella uppá í pressukönnu... gvöð hvað það var nú hápunktur dagsins... að fá almennilegt kaffi. Viðbrögð líkama míns við þessum saklausa kaffibolla er ástæðan fyrir því að ég held ég sé með fráhvarfseinkenni. Maður var bara eins ofuraktívur parkisons-sjúklingur. Allveg nýtt fyrir mér og hef ég alltaf haldið því fram að kaffi hafi engin áhrif á mig. I Was Wrong.

Nóg um það. Maður er komin með allann nauðsinlegann búnað til þess að hemja öldurnar. Hef fregnir af því að á ákveðnum tíma árs er að finna mjög mikið af Beinhákörlum á ákveðnum ströndum hér á skaganum. Það er víst hægt að fara út og sitja bara á surf-brettunum og fylgjast með beinhákörlunum synda í kring (ætli maður þurfi ekki að vera pínu heppinn líka). Hvað segið þið um að koma í heimsókn á þeim tíma árs?

Svo hlakka ég svo til að byrja í skólanum. Byrja 19. September! Hitti þá alla skólafélagana, og þá verður kátt á bæ og mikið um bjór.

Heil Þér Bíológus Íslandicus.

2007-08-18T14:52:00.000Z

Halló Elsku vinir.

Mér heyrist gott í öllum hljóðið og þykir mér miður að hafa misst af göngunni. Ég er nefnilega staðráðin í að fara ferðast og ganga um Ísland þegar gott tækifæri gefst. Ég er fegin að heyra að nú sé til gönguklúbbur sem greinilega hefur sama markmið. Hér er bara gaman og er þetta vísindaumhverfi sem ég er komin í æðislegt. Ég frétti í gær að það verða tæplega tuttugu manns í kúrsinum og byrjar hann um miðjan september. Ég hlakka hrikalega til þar sem maður á eftir að kynnast fólki almennilega þá. Svo kemur Yann í heimsókn 25. ágúst og ég flyt í langtímahúsnæðið 29. ágúst. Verð að viðurkenna að ég er pínulítið stressuð yfir því að fá góða meðleigjendur (6 herbergja hús) en það hlýtur einhver þessara sex að vera skemmtilegur (eða kannski allir :)

Annars langar mig að benda ykkur (sérstaklega sjávarlíffræðingunum) á vefsíðu þar sem hægt er að sækja um kúrsa hér og þar í heiminum. Þá borgað allt fyrir mann!
http://marbef.org/
Ég er reyndar nýbúin að heyra um þetta en Nova (vinnufélagi) benti mér á þetta og sagði þetta vera mikla snilld.

Annars hef ég verið á fullu í feltinu inná milli þess sem ég tel og greini hrúðurkarla á myndum. Að ganni skelli ég inn týpiskri hrúðurkarlamynd: Inná þessari mynd er að finna fjórar tegundir hrúðurkarla: Cthamalus montagui, Cthamalus stellatus, Elminius modestus og Semibalanus balanoides (finnst einnig á Íslandi). Vandamálið er hversu mikill breytileiki er innan hvers hóps fyrir sig og stundum geta ekki einu sinni sérfræðingar greint á milli C.montagui og stellatus. Núna er vel hugsanlegt að mastersverkefnið mitt verði ekki í hrúðurkörlum og því er enn lengra að bíða eftir því að ég skrifi um mitt verkefni. Hvet hins vegar aðra (t.d. Inga, Marinó og Sindra) til þess að drífa þetta af... bara af því ég er forvitin. Svo þarf að breyta á fullt af stöðum nafninu á krabbanum ykkar strákar, t.d. myndasíðunni og fleira. Sussubía.Ég er búin að panta flug heim 18. Desember og sjáumst við nú í kringum Jólin og í byrjun Janúar. Fer svo til Kenýa 12. Janúar (held ég) í tveggja vikna ljúfleika, og flýg svo þaðan beint til Plymouth.
Það er frábært að vera í Plymouth... en það vantar alltaf Bionerdana :D
Þið komið bara í heimsókn við tækifæri.

Rigningarkveðjur,

Ronny

í tilefni stofnunar gönguhóps bionerdica...

2007-08-16T10:23:00.000Z

Í gær var farið í stofngöngu gönguhóps bionerdica. Farið var í miðvikudagsgöngu með útivist upp á háahnjúk og í slysadal. Enginn lenti í slysi þrátt fyrir töluverðan blástur uppi á toppi háahnjúks og nokkurn bratta niður. Á bakaleiðinni var staldrað við í nokkrum lautum og bláber týnd upp í svanga munna þeirra sem voru of miklir viðvaningar til að taka með sér nesti. Við látum þetta ekki gerast aftur.

Þetta voru sannarlega tímamót og er hér með öllum áhugasömum boðið að taka þátt í þeim gönguferðum sem farnar verða í framtíðinni.

Stofnendur, þ.e. þeir sem mættu í stofngönguna voru eftirtaldir
Guðjón Már
Ragnhildur Eva
Óskar Sindri
Halla Margrét

* Á myndina vantar Sindra

Við skorum á alla sem hæl geta lyft að láta sjá sig þegar næsta ganga verður farin, en stefnan er sett á eftirfarandi ferðir á næstunni:

Nesjavelli, sunnudaginn 19 ágúst, seinnipart dags. Gönguleið enn óákveðin.

Hellisheiði, tímasetning ekki komin enn, Sindri er umsjónarmaður þessarar ferðar.

Fluttningar á landsbyggðina

2007-08-15T14:53:00.000Z

Þá er stóra stundin runnin upp hjá Marinó og Rögnu, loksins flutt. Þau fóru ekki troðnar slóðir, a.m.k. ekki Íslendinga, í þetta skiptið. Komin alla leið í Keflavíkina í ameríska villu eða svo segir sagan - meira að segja sundlaug í baðherberginu. Til lukku með það! Þau eru s.s. komin í landsbyggðarklíkuna og skipa sér þar með í sess með ekki ómerkari mönnum en Sæma og Bólu-Hjálmari. Til lukku með það!

Sást til skötuhjúanna í hádeginu, á fullu í fluttningum .......
Óska ykkur innilega til hamingju með daginn og áfangann!

2007-07-30T09:44:00.000Z

Hæ elsku....
Allt að gerast bara, hef ekki komist í að skella inn pistli svo vikum skiptir :) Var norður á Aukúluheiði vikuna 16 - 20 júlí, svo var ég austur á geitasandi í síðustu viku... þar var ég í því að kanna hversu mikið vatn sígur ofaní jarðveginn á tímaeiningu á mismunandi tilraunareitum þarna á sandinum. Mjög spennó. Svo var ég í góðu yfirlæti í Gunnarsholti þar sem við gistum og fengum að borða. Afar þægilegt, alltaf eldað ofan í mann heitan mat tvisvar á dag og svo smurt fyrir mann og mar þurfti ekki einu sinn að vaska upp... sweeet.
Hitti meira að segja Sæma á föstudeginum, við fengum okkur hádegismat saman og spjölluðum mikið enda var ég ekki búin að sjá manninn síðan á útskriftinni okkar, einstaklega hressandi. Það var líka greinilegt að Sæmi er mikils metinn maður þarna í Gunnarsholti eins og annarstaðar því það var varla að við gætum spjallað því hann var svo upptekinn að heilsa öllu liðinu og eftirvæntingin skein úr augum samstarfsmannanna að fá hann aftur í G*holtið en hann er jú að fara að vinna þar eftir versló.

Talandi um versló þá er hún næstu helgi... og ég ætla að skella mér á þjóðhátíð. Djööö verður það gaman mar. Ég var búin að heyra að einhverjir ætluðu að tjalda í Gunnarsholti bara og hafa það huggó þar yfir helgina... bið bara að heilsa ykkur þangað úr brekkunni ;)

Annað, hjónaleysin Marinó og Ragna bara að gerast Keflvíkingar...?! Svona gera þau bara án þess að svo mikið sem setja tilkynningu á bionerdics um þetta. Ég var mjög hissa þegar ég komst að þessu... trúði ekki mínum eigin eyrum. Eeen það er víst slatti af stúdentum að fara að flytja þarna á gamla beisinn þannig að kannski verður þetta bara skemmtilegur háskólabær... í þetta skiptið verður andúð mín á Keflavík lögð til hliðar enda eru ekki bara slæmir hlutir sem koma þaðan, sbr. hann Ævar sem er nú alls ekki af verri endanum.
Svo er líka stutt út á flugvöll þannig að það gerir leiðina til litlu prinsessunnar hans Marinós aðeins styttri, sem hlýtur að vera kostur :)

Haldiði ekki að ég hafi fengið pakka í pósti um daginn, hvorki meira né minna en afmælisgjöf frá ástkærri frænku og bionörda. Pakkinn innihélt svona göngu-legghlífar sem eru snilld í feltið og göngurnar sem ég er alltaf á leiðinni í... og svo var líka vasaljós sem á alveg örugglega eftir að koma að góðum notum.
*Takk fyrir þetta elsku Hrönn mín!*

Annars bara bið ég að heilsa

Sá stærsta rass sem ég hef á ævinni séð í dag!

2007-07-24T19:09:00.000Z

Þar sem enginn annar virðist vera enn tilbúin til þess að deila með okkur verkefninu sínu þá datt mér í hug að tjá mig aðeins bara til að skemmta mér. Ég vil leiðrétta allann miskilning um að í Englandi sé alltaf rigning og flóð. Hér í suðrinu hefur verið bongó-blíða flesta dagana síðustu vikur. Þess til sönnunar hef ég sett nokkrar myndir inná myndasíðuna mína sem er að finna hér.

Ég skrifaði líka smá um feltið sem ég hef verið í á bloggið mitt og hefur það verið afskaplega skemmtilegt. Svo fer ég í næstu viku útá bát í felt, sem er víst mjög skemmtilegt líka. Gaman er frá því að segja að MBA á tvo rannsóknarbáta og er annar þeirra fyrrverandi hvalveiðibátur frá Íslandi. Einnig er líka gaman frá því að segja að MBA var stofnað 1886 og flutti í núverandi húsnæði 1888!, þá var afi ekki einu sinni sæði og egg! Einnig var rekið sjávardýrasafn í húsinu og er því þar að finna svakalega flotta tilraunaaðstöðu. Það er hægt að geyma mörg-hundurð tonn af sjó í tönkum undir húsinu og er vikulega dælt nýjum sjó inn í tankana, og gamla sjónum dælt út aftur. Þar sem sjórinn er mjög hreinn er hægt að nota hann til eldis á allskonar sjávardýrum eins og smokkfiskum, og jafnvel sæhestum! Má sjá meira um þetta hér.

Eins og þið sjáið þá er þetta allt hið áhugaverðasta.
Að lokum vil ég benda á hrikalega góða og skilmerkilega vefsíðu þar sem hægt er að finna t.d. hvaða tegundir eru í kring um Plymouth, skilgreiningar á lífræðilegum hugtökum, stutt og skilmerkileg skjöl um afleiðingar loftslagsbreytinga á sjó, lífræðilegann fjölbreytileika og annað slíkt. Fullt af skemmtilegum fróðleik.
Þessi vefsíða er byggð upp af MarLIN verkefninu.

Allavega, þetta með rassinn er satt! Ég leit út eins og anorexía hliðiná greyið dömunni. Reyndar hef ég aldrei komið til Bandaríkjanna.

Á meðan ég man... sæhesturinn heitir Hippocampus ramulosus og finnst hér.

The Brit

Mastersverkefnið mitt!

2007-07-14T20:47:00.000Z

Jæja, ég ætla að ríða á vaðið og skrifa smá pistil hérna um hvað ég verð að gera næstu 2 árin og hvað ég er búinn að vera gera í sumar, vonandi fylgja fleirri í kjölfarið!

Ég er að skoða útbreiðslu brennihvelju (Cyanea capillata) e. Lion's mane jellyfish í kringum landið. Þessi tegund er stærsta marglytta í heiminum, en stærsta eintakið sem fundist hefur var 2,3 m í þvermál og voru angarnir um 37 m langir og gerir það brennihveljuna að einu lengsta dýri sem þekkt er í heiminum.
Hér er kvikindið:Ástæðan fyrir að ég er að skoða útbreiðslu þessarar tegundar er aðallega sú að hún hefur valdið miklum usla í fiskeldi, en á haustin þegar hún er í hámarki á hún það til að streyma inn í firði í haustlægðunum, þar lendir hún á fiskeldiskvíum og splundrast á netinu og angarnir særa allan fisk sem verður á vegi þeirra. Oftast drepst fiskurinn síðan af sárunum eða sýkingum í kjölfarið. Því er mikilvægt að vita hvenær og hvar má helst búast við þessu, og hvernig væri hægt að bregðast við.
Auk þess er líffræði þessarar tegundar nánast ekkert þekkt við Ísland, og tiltölulega lítið þekkt í heiminum yfir höfuð og því er þetta verkefni líka spennandi frá vistfræðilegu sjónarmiði.

Þannig til að skoða þetta er ég búinn að vera á flakki um landið og takandi sýni. Búið að vera mjög gaman, verið mikið á sjó og kynnst fullt af fólki. Það sem ég hef notað til sýnatöku er Bongóháfur:

Síðan tek ég draslið sem kemur í háfinn og set í fötur og getur þetta verið ansi mikil súpa eins og sést á myndunum hérna fyrir neðan.

Sýni, verið að bæta formalíninu útí:

Ég að athuga háfinn:

Afrakstur tveggja daga sýnatöku og gleðin sem býður mín í vetur:

Báturinn sem ég var á um allan Eyjafjörð alla síðustu viku, allt frá Pollinum út að Gjögri, Einar í Nesi:

Maður fær síðan að kynnast landinu á aðeins annan hátt og fær nýja sýn á það frá sjó, ansi fallegt norðarlega í Eyjafirðinum:

Allar þessar myndir voru teknar af bandaríska jarðfræðinemanum. sem ákvað að söðla um og fara flakka um lönd við N-Atlantshaf og kanna hvernig þorskur er veiddur í heiminum, Hilary Palevsky sem var sett í það af Hafró að hjálpa mér við þetta og kom það sér mjög vel.

Jæja, komið gott í bili, núna er bara komið að ykkur að segja frá ykkar verkefni!

Kv.
Gaui M.

AfmælisHalla

2007-07-14T18:55:00.001Z

Í tilefni 24 ára afmælis höllu þann 6. júlí síðast liðinn vildi ég óska henni til hamingju með þennann áfanga!!!

Knús og kossar frá Englandinu!
Hrönn

Crustacea

2007-07-13T21:20:00.001Z

Mig langaði að sýna myndina sem ég hef á desktopinu mínu. Rosa flott mynd, sem teiknuð var 1904 af þjóðverjanum Ernest Haeckel. Hann færir stundum pínulítið í stílinn en þetta er allveg að svaka æðislegt. Skoðið fleiri dásamlegar lífverumyndir eftir manninn Hér eða Hér.

2007-07-11T08:30:00.000Z

Howdy dudies...

Fréttapistill vikunnar að detta inn hérna, ég veit að þið eruð öll spennt að fá að heyra hvað ég er búin að vera að gera af mér undanfarna daga.

Í síðustu viku var svo gott veður, vá það var yndislegt! Ég var svo heppin að fá að vinna á Þingvöllum bæði miðvikudag og fimmtudag í sól og um 20 stiga hita. Á fimmtudeginum vorum við Karólína bara tvær þannig að við skelltum okkur bara á nærfötin og tásurnar og gróðurmældum þannig, voða kósý og heimilislegar.
Svo um helgina fór ég í Hallgeirsey í útilegu, það var stuð... alveg þangað til á laugardeginum þegar ég fór á kamarinn að pissa með fullt glas af gin og tónik. Ég setti það við hliðina á mér, ofan á hólfið sem heldur klósettpappírnum, og pissaði í rólegheitunum.... nema hvað að það kemur síðan einhver inn með offorsi á kamarinn við hliðina á mér, skellir hurðinni þannig að kamarhúsið hristist all hressilega og getiði hvað svo.....
nú glasið tekur hopp, flýgur af stað og beint oní buxurnar mínar! Þar helltist úr því í nærbuxurnar mínar og niður báðar skálmar á bæði föðurlandinu mínu og gallabuxunum.
Yyyndislegt.
Þar með dó stemmarinn hjá mér og ég ætlaði að fara inn í tjald í fýlu.
Eeen þetta reddaðist nú allt saman þar sem ég fékk náttbuxur og polló lánaðar hjá vinkonu minni og gat haldið áfram að skemmta mér, t.d. með því að spá í fyribærið "vegasalt" sem er eins og flestir þekkja, leiktæki fyrir krakka.

Hvernig var það svo, ætlar einhver af ykkur haugunum að skrifa eitthvað um mastersverkefnið sitt? Eða er þetta allt í orði en ekki á borði eins og vill gjarnan vera hjá hinum svokölluðu beilerum?

Annars var stefnan að skella sér í fjallgöngu í kvöld en það plan virðist allt ætla fjandans til, þökk sé heimskum hárgreiðslumanni sem ber enga virðingu fyrir tíma annarra... ég kem til með að lesa hressilega yfir honum ef ég sé hann þá einhverntíman.

Þangað til næst

Hello there my pumpkinheads

2007-07-01T14:16:00.000Z

Such marvelous day today, isn't it? I might just have myself a cup of tea and crackers later on. Or whatever I fancy at the moment my luv.

Sit ég hér í sól og blíðu, nei... það er lýgi.. Það er gola og skúr... Breytir ekki öllu :)
Mér líst vel á vinnuna... Fer í felt (e. fieldwork) á mánudaginn(e. monday) og eyddi föstudeginnum (e. friday) í að kynnast vinnustaðnum og fólki (e. people). Svo keypti ég mér gúmístígvél (e. Welly's, short for Wellingtons) í gær og er því nokkuð vel sett.

Annars skrifaði ég smá á bloggið mitt líka... svona frekari smáatriði (e. details).

Sjáumst letipúkar (e. lazy pucks)

Friday

2007-06-29T08:19:00.000Z

Í dag er föstudagur og það er þvíílík blíða úti... aaahh ég vildi að ég væri ekki að vinna inni í dag. Það var sko 15°þegar ég var að keyra í gegnum Árbæinn, kl 07:50... þetta ætlar að lofa góðu. Spurning um að reyna að koma sér fyrr úr vinnunni og ná sér í smá sól.

Annars fór ég í fyrsta feltið mitt núna á þriðjudaginn, við Karólína keyrðum úr góða veðrinu hérna í Rvík og norður á Húnavelli í kulda og strekking. Það var samt ágætt, við ákváðum að spara okkur smá pening og tjalda þar í staðinn fyrir að gista í Blöndustöð.... eftir nokkuð basl við að koma tjaldinu í réttar horfur í rokinu hafðist það þó og við vorum mjög stoltar af okkur. Því næst var gripin veiðistöng og ekið rakleitt að Svínavatni. Í þriðja kasti veiddist einn afar penn urriði sem vó kannski svona hálft pund... svo eftir svona klukkutíma veiddist annar, en hann var enn minni þannig að við skiluðum honum aftur. Svo fórum við aftur að Húnavöllum, drógum út grillið og skelltum 2 pulsum og einum urriða á það. Allt smakkaðist vel og þetta var virkilega gaman. Þá er ég búin að fara í fyrstu útilegu sumarsins og bíð spennt eftir næstu.

Svo er Hrönn litla bara farin á við ævintýranna í Plymouth... ég kvaddi hana á mánudagskvöldið með því að hirða af henni hjólið hennar og hjálminn líka. Þvílíkt frelsi sem það er að hafa hjól, er alveg að fíla það og ætla að nýta helgina til að æfa mig svo ég geti farið að hjóla í vinnuna. Þannig að ef einhvern langar í hjólatúr þá vitiði hvern þið eigið að hringja í.

Annars var það svo sem ekkert sérstakt... Kannski spurning um að hóa liðið saman í sund eða hacky eða spil og rauðvín eða eitthvað yfir helgina, sérstaklega ef veðrið heldur áfram að vera svona gott :)

Þangað til næst

2007-06-22T11:20:00.001Z

Helló kids...
Ég sé að fólk er alveg að taka við sér hérna á bionerdics, bæði í kommentum og skrifum....

Ég fór í gær í svona grasræktartilraun, keyrði með tveimur hressum eldri köppum að stóru Ármótum, rétt fyrir utan Selfoss. Þar var slegið rakað, rakað, vigtað og mælt, bókað, drukkið kaffi og prins og eins og einni túnfisksamloku skóflað í sig líka.
Þetta var frábær dagur, veður var hið ágætasta, náttúran naut sín í öllu sínu veldi og ég lærði nokkrar nýjar tegundir! Fyrir hina áhugasömu þá voru þar á meðal: hávingull, axhnoðagras, vallarrýgresi, rauðsmári og hvítsmári.
Reyndar var ég að drepast úr ofnæmi allan daginn og helvítis mýið var í miklu fjöri þennan dag, þó nokkrar læddust inn um nef, eyru og munn... en ég gæddi mér nú bara á þeim eins og ekkert væri enda þekkt fyrir að vera froskur mikill, síétandi og alger alæta! Það gleymist nú seint þegar ég tók mig til og át allt lirfuboxið sem Sæmi keypti hérna í fríhöfninni í Chiang Mai.

Ég heyrði því fleygt að Hrönn ætli að hafa grill á laugardagskvöldið... kveðjugrill. Því miður kemst ég ekki þar sem ég er með fullbókaðan dag, þarf nebbla að taka þátt í frosktilraun nokkurri. Tilraun sú snýst um það hversu miklu einn froskur, þ.e. ég, getur torgað á heilum laugardegi frá kl 8 um morguninn til 12 á miðnætti. Í boði verður ýmisskonar góðgæti, þó ekki skordýr í þetta skiptið, því miður :( ....en ýmislegt annað og hlakkar mig mikið til. Þið getið rétt ímyndað ykkur.
En varðandi kveðjugrillið þá verð ég að beila í þetta skiptið, sem er mjög svekkjó en er alveg til í kveðjuhacky á sunnudeginum í staðinn.... ef einhver er geim?!

Eníveis, people, kommentiði ef þið eruð þarna... þá veit ég hvort ég á að sleppa að skrifa hérna eða ekki ;)
Later

Slevolution

2007-06-19T15:09:00.001Z

2007-06-18T09:25:00.000Z

Blå mandag....
Var það ekki dagurinn eftir ferminguna manns hérna fyrir fjölda ára þegar maður taldi sig loksins hafa gengið inn í tölu fullorðinna... Síðar kom á daginn að það var nú aldeilis ekki raunin. Kannski í þetta skiptið, kannski getur maður talið sig fullorðinn í dag. Ég býst amk við að þeir krakkar sem fermdust í ár líti á mann sem fullorðinn... og ekki skemmir fyrir að mega kalla sig líffræðing.

Útskriftin var ágætis afþreying svo ekki sé meira sagt... Enginn með ágætis einkunn úr líffræði en þó nokkrir í stærðfræði og svo aftur félagsfræði. Ég lít svo á að þeir sem eru í raun fáránlega klárir og supernerds séu í stærfræðinni og eigi þetta fullkomlega skilið en að félagsfræðin sé einfaldlega of auðveld! Fólk má svo reka þetta ofan í mig með góðum rökum ef einhver sér ástæðu til.

Tók aftur strætó í vinnuna í dag og það var ekki alveg jafn slæmt og áhorfðist hérna síðastliðinn miðvikudag... er samt enn á því að kaupa hjólið hennar Hrannar og nota það sem minn helsta ferðamáta um Reykjavíkurborg á komandi tímum.

Já og partýið hjá Arnaldi var skemmtilegt, ég skemmti mér vel í dunandi dansi við frummanninn og fleiri skemmtilega. Stefnumót við frummanninn fær samt að bíða betri tíma.

Annars vil ég bara segja til hamingju með afmælisdag lýðveldisins í gær, það hefði mátt vera hlýrra en í dag er ég hætt að ganga á óskhyggjunni og loksins farin að klæða mig eftir veðri... Virkilega erfitt að koma frá Tælandi og sætta sig við að sumarið hérna á Íslandi ætlar að vera íískalt, þriðja árið í röð.... svekkjandi.

Later

Back home.....

2007-06-13T11:32:00.000Z

Allt búið....
Tæland er best í heimi!
Þessi ferð var best í heimi, fjórhjólin voru best af öllu!
Lala og allir hinir ladyboys fá props fyrir að vera ladyboys og stolt/ir af því...

Í dag líður mér eins og ég hafi ekki farið fet... trúi ekki að besta ferð ævi minnar sé búin, það er erfitt að sætta sig við þetta og sérstaklega þegar á móti manni tekur stórgallað strækókerfi sem ég vissi ekki in the first place að væri bæði búið að breyta, illilega, og hækka verðið!
Lenti þ.a.l. í miklum strætóhremmingum í morgun og grátur og gnístran tanna létu á sér kræla í 1 og 1/2 tíma langri strætóferð víða um borgina.... svekkjandi.

Margar sögur til eftir ferðina... þær verða ekki settar á prent hér í dag en aldrei að vita hvað gerist á næstunni.

Spurning um að virkja bionerdics síðuna þar sem að hlutir eru að breytast um þessar mundir og gott að hafa sameiginlegan miðil fyrir alla bionerdics-aðila, jú og áhangendur þeirra, hvar sem þeir eru staddir.

Cop cun kaaaaaaaaa

Hið fræga vídjó af Fannsa

2007-04-27T14:11:00.000Z

Hæhó

Þar sem hakkíseasonið er byrjað... en ég heima svo ég get ekki tekið þátt, þá ákvað ég að eyða stuttri pásu í að henda loksins vídjóinu af honum Fannsa hingað á netið. Þetta myndbrot var tekið þegar hópur líffræðinga var að tína krækling fyrir kræklingakvöldið fræga.

Enjoy!

Ef þið viljið hinsvegar downloada vídjóinu þá getiði það hér!

þeir eru sjaldséðir, hvítu hrafnarnir

2007-04-19T21:29:00.000Z

Jæja
Kannski komin tími til að setja inn hérna einhver orð... má segja að þessi síða sé í andarslitrunum hérna, en hvað um það.
Ég var að ljúka við 10bls ritgerðina mína í eiturefnavistfræði... aldrei hafa tíu blaðsíður verið jafn lengi í fæðingu og nú... alveg hreint óskiljanlegt hvað þetta gekk illa. Eeen nú er það búið, ég er komin með svo mikið ógeð að ég meika ekki að lesa yfir heldur vil ég bara koma þessu frá mér.
Fyrir vikið er komið að prófalestri... já það eru ekki nema 10 dagar í próf!! Og sem fyrr eru menn að byrja á byrjunarreit nokkrum dögum fyrir próf, já það er gömul saga og ný krakkar mínir.
Annars er það sem ég ætla að gera áður en ég byrja að læra fyrir próf:

Taka til og þrífa heima, ekki séns að einbeita sér í prófum með drasl upp á hné..
Fara í vax og litun og plokkun og kannski í ræktina til tilbreytingar... já gott að vera ferskur í líkamanum áður en mar byrjar því þetta er jú svo nátengt, líkaminn og sálin.
Fara í partý til Gauja á laugardaginn, fá mér gin í aðra tánna og stinga hinni í heitapottinn enda ekki á hverjum degi sem manni býðst að fá sér áfengi og fara í pott samtímis. Það verður hressandi!

Jamm og jú... þetta er það sem er á döfinni, næstu þrjár vikur verða tileinkaðar prófum og svo kemur að máli málanna. En aldrei að vita nema mar eyði nokkrum orðum í það þegar þar að kemur.

Annars bið ég bara að heilsa

Stutt í frí

2007-04-09T11:18:00.000Z

Gleðilega Páska. Nú styttist í próf, en það þýðir að það styttist í vorið

og þess vegna styttist í .......................................................................................................

Dansi Dansi dúkkan mín.

2007-03-26T16:17:00.000Z

Í tilefni nýafstaðinnar árshátíðar þá er ekki úr vegi að skoða þessi tvö myndskeið.

http://www.youtube.com/watch?v=BnMSnD7Ik9s

http://www.youtube.com/watch?v=qwVa06LSlxk

Svona aðeins til upplífgunar á degi með 100% verkefnavinnu í vasanum.

- Legg svo til að það verði haldin ljótudansakeppni í Tælandi :)
Sawadee

Api að þvo ketti....

2007-03-16T16:31:00.000Z

Fannst eins og þetta vídjó ætti vel við á þessari síðu og var orðinn leiður á blogginu hennar Hrannar, svo hér kynni ég með stolti, Api að þvo ketti:
http://youtube.com/watch?v=m9wAqNN-Dic

Minni síðan á stofnfund Tóbaksklúbbsins Sigfinns í kvöld! Skyldumæting fyrir félagsmenn

Skemmtilegar Staðreyndir Lífsins

2007-02-26T20:22:00.000Z

Jú í dag eru margar skemmtilegar staðreyndir sem fanga hugann.

1. Það eru aðeins 83 dagar þangað til förinni er heitið til Tælands. Ætli það sé tilviljun að sum okkar eru fædd árið 1983... Hmm varla.
2. Það er að koma mars á fimmtudaginn og Jólaskraut enn vel við lýði á mínu og Yanna heimili. Eflaust fleiri latir sóðabósar útí hinum stóra heimi. Reyndar var ég að fatta að gervijólatréð hjékk uppi fram í júní í fyrra. Ég stefni að því að rífa niður skrautið fyrir þann tíma.
3. Sandgerði er á föstudaginn. Sumir ætla að kafa snemma á laugardaginn. Þetta er EKKI góð tímasetning. Þeir líffræðinördameðlimir sem ekki ætla að kafa krefjast dagskrárbreytingu hjá þeim sem ætla að kafa.
4. Ég fór í sund í dag... Fann amk þrjár freknur. Hvað segir það manni, Jú, vorið er að koma. júhú.
5. Debut diskurinn hennar bjarkar er svaka góður fyrir utan lag nr.11.
6. Árshátíðin er þar-næstu helgi. Það segir okkur líka að vorið er að koma.
7. Vistfræðiskýrslur eru tímafrekar og seingerðar.
8. Systat er mun auðveldara tölfræðiforrit en R. Gunnar Jónsson hló þegar við snúðum baki í hann yfir þessari þrautsegju að nenna að nota Rið. Gunni Grínari og Árni Akkeri alltaf sniðugir.
9. Aðalleikarinn í scrubs var leikstjóri og handritshöfundur áður en hann tók að sér leikhlutverk. ég sá hann reyndar í hommamynd í fyrradag á rúv.
10. Allir sjúkdómar að ganga núna. Fólki er ráðlagt að halda sig heima í túpperver boxi. Það ætti að vera öruggt.

- Sá sem fattar litasamsetningu textans fá hugvitsverðlaun Sólheima.
Yfir og út
Hrönn hrút

2007-02-19T16:39:00.000Z

Hei kids.
Ég var að kaupa mér vasa-bók á netinu um snáka og önnur skriðdýr í Tælandi og víðar. Nú þurfum vér ekki að óttast neitt því hægt er að lesa hvort þessi eða hinn snákur sé eitraður eða ekki.
Til dæmis get ég sagt ykkur það að allir sæsnákarnir eru "VENOMOUS AND DANGEROUS" en ég man að þegar ég var að kafa þá var reglan sú að þú lætur þá vera... þá láta þeir þig vera :) góð og gild regla fyrir dýr sem maður veit ekkert um.

Önnur slanga sem er hættuleg er King Cobra en hún finnst víðsvegar í S-Asíu. Þessi elska hefur að geyma "very potent naurotoxin that is fatal if untreated"

Önnur flott heitir White lipped Pit-viper og finnst hún um allt Tæland og verður allt að 100 cm löng. Þessi slanga ber ábyrgð á mörgum bitum og er hún talin "Venomous and dangerous"
Sjá mynd af grænu slöngunni

Svo vil ég minna líffræðinga á að fara ekki að leika eftir hetjunni Steve Irwin. Við vitum öll að það getur ekki endað vel.

Hrönni Skögultönni

laugardagsgleði

2007-02-10T15:58:00.000Z

Sælir sveppirnir mínir
Það er ekki á hverjum degi sem aðilar að bionerdics taka upp á því að blogga svona að tilefnislausu...

Var að enda við að skila viðbjóðnum sem er búinn að hanga yfir mér eins og sjúkdómur í viku. Á endanum fékk ég mér bara eina ópíum og allt í einu var eins og múrveggurinn hryndi og ég náði að skrifa heilar tvær blaðsíður. Það er auðvitað mun betra en ein, en jafnframt ekki nærri jafn gott og þrjár.... en hvað um það. Mér er allavega létt.
Annars er ég bara í hólminum, að hafa það kósý... Það er fótbolti í sjónvarpinu sem býður ekki upp á mikil aktivitet fyrir mig svo ég bara blogga og horfi út um gluggann á meðan... vúhú!

Við áhugafólk um eiturefni í vistkerfum skelltum okkur líka í óvissuferð til Sandgerðis á fimmtudaginn. Við fórum í þeirri trú að við ættum að fara í einhverskonar verklegan tíma, en það kom svo á daginn að þetta var bara stutt spjall um rannsóknaverkefnið hans Halldórs og svo hvernig við gætum gert skýrslu úr því... Við semsagt gerðum ekkert sjálf og komum til með að fá gögn um aðferðir og niðurstöður í hendurnar. Svo sátum við í kaffistofunni í 2 tíma og höfðum það kósý með kaffibolla ásamt því að heimsins mál voru rædd. Jörundur týndist og höfðu menn miklar áhyggjur af honum um tíma. Een hann fannst síðan aftur og var þá mönnum mjög létt. Síðan var haldið aftur til Reykjavíkur. Virkilega góð og vel heppnuð ferð. Og krakkar mínir, þið sem misstuð af henni... tjah sá missir verður seint bættur.

Hopp og hí
Tralla lí
........ og botniði nú

Hver er maðurinn?!?

2007-02-01T17:26:00.000Z

Jæja kæru lesendur.

Nú er komið að getraun mánaðarins! Það er mikið í húfi því ég legg sleikjó undir! (sem ég borga reyndar seint og illa).

HVER... ER ... ÞETTA?!?!

Ég hefði sett myndina beint hingað á bloggið, en ófyrirsjáanlegra atvika þá fékkst ekki til þess tilskylin leyfi, við gerum samt gott úr þessu... smellið bara á linkinn og látið ljós ykkar skína í commentunum!

Þvílíkur leikur, maður....

2007-01-22T20:42:00.000Z

Vá, þessi var rosalegur. Ísland-Frakkland;32:24. Þvílík gargandi snilld.... Sem gerir okkur Íslendingum að halda áfram í milliriðil, ásamt Frökkum, en með tveggja stiga forskoti. Ég geri mér grein fyrir því að ekki er venjan að ræða Íþróttir á BioNerdics (frekar er talað um skrítnar dýrategundir og fyllerí), en ég bara varð....

Mig langar bara að fá smá feedback um hver nennir að horfa á svona og hverjum finnst það tímaeyðsla...

Alla veganna.
Áfram Ísland

BMW 316i touring M

2007-01-14T19:55:00.000Z

Fyrir áhugasama bíónörda þá ákvað ég að pósta smáupplýsingum um bílinn sem flestir vita að ég festi nýlega kaup á.

Þetta er BMW e30 touring með 1.6 lítra vél, innspýtingu og er hann beinskiptur. Þetta er árgerð '93/mars, með gamla boddýinu. Týpan e30 var framleidd frá því herrans ári 1982-1994 og er þetta þýskur gæðafákur. Heildarþyngd bílsins er 1645 kg og er orkugjafinn bensín. Litur bílsins er Lagunegrün Metallic (Lónsgrænn), sem ég kalla grænan.

Í langbaknum eru upphituð færanleg sportsæti, handsnúin topplúga, geislaspilari, ABS, loftpúði, miðstöð ásamt fleiru.

Ég á eftir að taka myndir af tækinu...en hér eru nokkrar myndir af sambærilegum bíl, sem er þó eilítið betur farinn:) Það verður gaman að fiffa upp á bílinn í sumar með mössun og tilheyrandi aðgerðum. Ég vona að hann eigi eftir að þjóna jafn vel og volkswagninn.

Kímblaðsfundur?

2007-01-09T03:51:00.000Z

Jæja, þurfum við ekki að fara gera eitthvað í þessum kímblaðsmálum?
Bara 5 mánuðir í ferðina og ekkert farið á stað, og er því ekki um að gera að halda fund sem fyrst?

Vill líka þakka Sæma og Vigdísi fyrir gott partý á laugardaginn!, þó svo að bakkus hafi kannski verið full mikið ráðandi :)

Í minningu góðs félaga

2007-01-05T03:56:00.000Z

Jæja kæru vinir ©.

Nú hefur svolítið gerst sem við vissum að væri óumflýjanlegt en óskuðum öll að til þess myndi eigi koma, Bjallan er farin.

Í minningu hennar langaði mig að segja nokkur orð. Ég tók eftir henni strax þegar ég byrjaði í líffræðinni, fagurblár liturinn, krómuðu stuðararnir með kösturunum, flottu álfelgurnar! Maður velti fyrir sér hvers kyns líf þessi bíll hefði átt en ég var ætíð viss um að það hefði verið langt og farsælt. Maður fylgdist með henni dafna í gegnum árin og varð ég svo þeirrar gæfu aðnjótandi að fá að sitja í henni, ekki einusinni og ekki tvisvar... það voru sko ekki vonbrigði!

Bjallan var árgerð 1976. Hún hafði 1200cc 4ra strokka vél sem afkastaði 41 hestafli. Drifið hafði hún að aftan og var henni stjórnað með 4 gírum. Heildarþyngdin var ekki nema 760kg enda þýsk gæðasmíð. Hljóð og hitakútarnir höfðu nýlega verið endurnýjaðir ásamt bremsum börkum, lögnum, spindlum svo fáeitt sé nefnt. Þetta var eðal-eintak!

Undir það síðasta var hún tryggð hjá Elísabetu.

Ég vil biðja ykkur, kæru vinir ©, að hafa mínútu þögn þegar þið lesið þetta til að votta henni virðingu okkar.

Megi hún hvíla í friði! *snökt*

Partý í Ástúni 4 um helgina???

2007-01-03T21:01:00.000Z

Hæ og Hó

Við Vigdís vorum að spá í að halda áfram að bjóða BioNerdics í partý en að þessu sinni í Ástúnið okkar. Okkur er í raun sama hvort það yrði á föstu eða laugardag... Endilega látið í ykkur heyra þannig að við getum fengið fíling fyrir því hvort að það sé stemmari fyrir þessu eða ekki. Planið er að vera með heitt grill á staðnum ef einhver vill taka grillmat með sér og borða með okkur.

Sæmi og Vigdís

2007-01-02T00:24:00.000Z

Kæru vinir,

Gleðilegt nýtt ár!

Hvernig var í sveitinni?

2006-12-26T17:41:00.000Z

Spirobranchus giganteus

GLEÐILEG JÓL
rassálfar og megi nýja árið færa
með sér útskrifaða líffræðinga

og ævintýraferð til framandi landa.

Jólajólajólafrí .....

2006-12-20T18:59:00.000Z

Jæja greyin mín, við erum loks komin í jólafrí - veiveivei.

Þetta er búin að vera gríðarlega hressandi prófatörn. Ég er allavega býsna stirður eftir langar setur og sjónin er eitthvað fönkí. EN nú tekur bara leti og gleði við .... áður en við dettum í þann jólafíling eigum við hins vegar eftir að samgleðjast með öðrum vitleysingum í líffræðinni sem ljúka prófum á morgunn. Það verður væntanlega SVAÐALEGT fjör í Öskju á morgunn, allavega spes stemming sem endranær. En allavega langaði mig bara til að samgleðjast með ykkur nördin ykkar ....

Ps. Ætla rétt að vona að það hafi enginn farið yfir um í prófatörninni og sé farinn að læra aftur undir sjávarvistfræðiprófið sem hann heldur að sé á morgunn!

Vatnalíffræði- ofarlega í hugum flestra þessa daga

2006-12-06T13:09:00.000Z

Bara fyrir ykkur nördarnir ykkar, og Gleðilega aðventu.

Tarsius syrichta

2006-12-01T10:58:00.000Z

Ég var eitthvað búin að heyra af því að fólk væri almennt komið með leið á dúmbó littla (hér að neðan). Ég fann svo sniðuga mynd á netinu af minnsta primata í heimi, Tarsier apa (Tarsius syrichta) Hann lifir á skordýrum og er ekki stærri en hendi á manni.

Class	Mammalia
Order	Primates
Suborder	Prosimii/Haplorrhini
Infraorder	Tarsiiformes
Superfamily	Tarsioidea

Þessi apategun hefur einnig verið kölluð Tarsius Ingibjornis. Tilviljun?

2006-11-27T15:35:00.000Z

Sjáiði þetta litla sæta barn með stærstu eyru sem ég hef séð!

Ægilega krúttlegt og kósílegt barn, langaði bara að sýna ykkur.

Var líka komin með leið á úlpunni hans Inga...

þótt ótrúlegt megi virðast

(Ég held að hann geti flogið...)

Strellson - Swiss Cross

2006-11-20T18:07:00.000Z

Vegna mikils áhuga á nýja jakkanum mínum datt mér í hug að setja inn tengill á síðu sem selur bæði jakkann og fleiri vörur frá sama merki. Þannig getur fólk pantað sínar eigin flíkur án þess að vera í sífellu að fá að máta mínar:)

Hér geta menn verslað sér inn lúxusflíkur fyrir jólin:

http://www.herrenausstatter.de/

Kveðja,
Ingi

2006-11-20T17:59:00.000Z

Hvenær koma kræklingamyndirnar?
Einhver?!

Framhaldsnámspælingar

2006-11-11T22:48:00.000Z

Jæja, nú fer að síga á seinni hlutann af þessu námi í líffræðinni hjá okkur og þá er um að gera að spá í framtíðinni. Einhver bað mig um á kræklingakvöldinu að smella inn link sem ég hef notað til að skoða skóla. Þetta er heimasíða mats Háskólans í Shanghai á top 500 háskólum í heimi, veit ekki alveg hvernig þetta mat fer fram og ekki á hverju það byggist, en allavega er þetta mikið af linkum á heimasíður skóla úti, og betra heldur en að leita eins og villuráfandi sauður á google.

http://ed.sjtu.edu.cn/rank/2006/ARWU2006TOP500list.htm

Kv.
Gaui

Og hvað á svo barnið að heita?

2006-11-07T17:46:00.000Z

Vildi nota tækifærið og óska meistara Marinó til lukku með nýskírða dótturina!
Fékk kviðlingurinn nafnið Rakel Júlíana.

Eftir-kræklinga-dagur

2006-11-05T23:18:00.000Z

Hvernig get ég lýst þessum vindasama sunnudegi?
Myndir segja meira en mörg orð.

Ég er svooo þunn!

Smáa letrið: Það var fullkomlega þess virði. Frábært kvöld!

It´s a party

2006-11-02T22:05:00.000Z

Herrrro..... Þá er komið að því kæru vinir! Kræklingakvöldið er á næsta leiti og byrjar stemningin með alvöru kræklingaveiði í Hvalfirði á morgun. Svo það eru stígvél og pollabuxur með í skólann á morgun fyrir þá sem sjá sér fært að skella sér!

Þegar við vorum á fyrsta ári þá veiddist svooooona mikill kræklingur... eila of mikið samt sko, spurning um að hemja villidýrið innra með sér og láta sér duga að veiða bara í matinn :)

Svo er bara paaaartý á laugardaginn og veður gaman að sjá alla mætta í sínu fínasta pússi og með nóóg af öli. Takið eftir dúinu á Ævari og Marinó, gamla góða.....

Gleði gleði

2006-10-24T08:14:00.000Z

Jæja þá var önnur Balaenoptera physalus veidd í gær. Komið verður með dýrið að landi í Hvalfirði um 10-11 leitið - hagnýtar upplýsingar fyrir áhugasama líffræðinga!

Smelli inn smá upplýsingum um dýrið. Balaenoptera physalus er skíðishvalur. Hún er grásvört að ofan og hvít að neðan. Lengdin er ca. 18-25 m á lengd og nær um 60-80 tonn að þyngd. Þessi stóri hvalur lifir aðallega á átu og krabbasvifdýrum en tekur líka sandsíli. Þetta er farhvalur og kemur að landinu síðari hluta vetrar. Mökun á sér stað í hlýrri sjó en þar fæða kýrnar líka af sér kálfana. Kýrin er heldur stærri en tarfurinn. Balaenoptera physalus er skyld steypireyðinni og telst vera næststærst allra hvala.

Svo eru komnar inn nýjar myndir hér!

2006-10-22T13:52:00.000Z

Ég var að horfa á mynd á stöð 1 í gær og sjáiði hvern ég rakst á!

Svo virðist sem að Sindri hafi verið barnastjarna í bandarískum bíómyndum og við vissum ekki af því...

Og fallega brúna hárið, það hefur ekki breyst neitt í öll þessi ár.

Sindri er eitthvað fleira sem þú þarft að segja okkur?

Trufla vonandi ekki hvala-rifrildið...

2006-10-19T22:21:00.000Z

... en nokkrar myndir af sjóferðinni eru komnar inn... mismerkilegar því miður :P en til að bæta það upp ætlar Kópurinn að taka dansinn!

Sjómyndirnar finniði svo hér!

W.t.f....

2006-10-19T12:35:00.000Z

Getur einhver sagt mér af hverju allir eru að missa sig yfir þessum hvalveiðum?! Bretar og Bandaríkjamenn koma með sérstakar athugasemdir við þetta og finnst við vera að gera ægileg mistök.
Þetta eru 9 hvalir.
Og hvernig fá Bandaríkjamenn það út að þeir hafi skotleyfi á okkur varðandi smámál eins og þetta? Hvað eru þeir að drepa mikið af hvölum í Kyrrahafinu? Að ekki sé minnst á allan mannfjöldan sem þeir hafa myrt á síðustu árum...
Furðulegt!

Veðurblíða á krabbaveiðum

2006-10-18T21:24:00.000Z

Gerð var heiðarleg tilraun til að leggja út gildrur fyrir Cancer pagurus í Hvalfirði í dag. Við félagarnir búnir að finna til allt draslið; gildrur, beitu, góða skapið, lóðsteina og dræsu úr Hampiðjunni, s.s. tilbúnir í slaginn. Veðrið leit út fyrir að vera okkur hliðhollt - heiðskírt og lyngt. En allt fór á annan veg en ætlað var - því ekki var hægt að leggja út gildrurnar vegna stífrar NA áttar út Hvalfjörðinn. Menn urðu skiljanlega missáttir við þessar málalyktir - myndin talar sínu máli!

Ferðin var þó ekki vita gagnslaus þar sem Sindrus og Ingó veiddu sinn hvorn Gadus morhua-inn.

2006-10-15T22:20:00.000Z

VATNALÍFFRÆÐIDRASLIÐ LOKSINS BÚIÐ!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

We Live In a High-Teck World Y'all

2006-10-02T23:22:00.000Z

Jón Ólafsson, sá sem kennir haffræði kúrsinn ákvað að deila með nemendum sínum hljóðum úr undirdjúpunum. Hægt er að hlusta a hljóð undir suðurskautinu í beinni útsendingur. Hægt var líka að skoða beina útsendingu frá suðurskautinu en:

- no live-pic available -

The webcam was destroyed by a
heavy storm in August 2006.
A new one will be installed
in January 2007....

Er ekki nútímatækni Yndisleg?

2006-09-27T15:44:00.000Z

Fyllerí á laugardaginn?!

2006-09-22T10:50:00.000Z

Gondæææ! Svona áður en ég byrja að læra langar mig að óska þessum manni (til hægri á myndinni):
innilega til hamingju með afmælisdaginn sem er á sunnudaginn.
(Spurning hvað er að gerast hjá Hlyn á þessari skemmtilegu mynd....?!)
En hann er semsagt að halda afmælisveislu í kveld í vogunum og er bionerdics-crewinu boðið þangað upp úr 8. Eitt vandamál þó... það er að þetta rekst á við fyrirfram planað partý hjá Hrönn og Yann... en stefnan er að leysa málið þannig að við tökum bíltúr útí Voga upp úr 8 í kveld, jafnvel verða nokkur lög tekin með fugl í annari og fisk í hinni.... svo seinna um kvöldið verður rennt þaðan og í Sólheimana.
Gaui ætlar að athuga með 7manna vaninn og kæmi það sér vel ef við gætum farið á honum, öll saman...
Nú svo verður laugardagurinn tekinn snemma en við eigum að mæta kl 8 í öskju og þá verður lagt af stað í laanga og vonandi skemmtilega ferð með umhverfisfræði.

Fjöruferð

2006-09-12T20:04:00.000Z

Sælt veri fólkið. Það nýjasta í fréttum er að bróðurpartur BIOnerdics ásamt áhangendum skellti sér í fjöruferð síðastliðinn mánudag. Fjaran sem varð fyrir valinu er staðsett í Mosó, nánar tiltekið við ós Korpu. Tilgangur ferðarinnar var að ná í sýni fyrir einn af okkar áhugaverðu kúrsum, sjávarvistfræði, og að þessu sinni átti að skoða leirur. Þetta reyndist hin skemmtilegasta ferð enda fínt veður, eitthvað sem þessi hópur er ekki vanur í felti. Hér má svo sjá myndir úr fjöruferðinni.

Annað markvert sem á daga okkar hefur drifið er Ráðstefna um loftslagsbreytingar, hafstrauma og vistkerfi í Norður-Atlantshafi sem haldin var hátíðleg á Nordica hótel 11 og 12 sept. Ingi, Hrönn, Marinó og Sindrus skelltu sér á þessa áhugaverðu ráðstefnu. Þar var margt um manninn - hinir ýmsu þjóðþekktu einstaklingar og auðvitað fullt af eðalsleðum úr líffræðinni og fleiri raungreinum.

2006-09-06T13:06:00.000Z

Jæja... allir dauðir bara!
Ég skelli þá bara inn smá hugvekju, svona ef einhver skyldi detta hérna inn og vera kominn með leið á bleikjuráðstefnupistlinum.

Nú eru skólarnir byrjaðir aftur og metnaðarfullir nemendur flykkjast út á götur borgarinnar á bílunum sínum, keyra eins og óðir menn og leggja bílunum sínum í öll þau stæði sem standa í um kílómeters radíus frá háskólabyggingum... ekki ég auðvitað því ég fékk mér göngu niðrá hlemm í morgun og fjárfesti í strætókorti fyrir hvorki meira né minna en 27.900 íslenskar krónur! Það er því deginum ljósara að ég mun, ég mun nota strætó grimmt í allan vetur og ef ég asnast til að biðja einhvern um far heim því það er stormur úti... tjah minnið mig þá bara á hvað ég borgaði fyrir kortið og hendið mér svo út í strætóskýli.

Annars er þetta með ólíkindum hvernig nemendur flykkjast í háskólann að hausti... allir mæta í alla tíma, engum dettur í hug að skrópa, augun eru glennt og kinnar rjóðar af spenningi yfir áskorunum vetrarins, nýjum verkefnum og háleitum markmiðum. Svo einhvernvegin um leið og sólin lækkar á lofti, lækkar rostinn í nemendum og allt í einu er nóg af sætum, nóg af bílastæðum og nóg af stöðnu kaffi þar sem þeir nemendur sem enn mæta í skólann hafa ekki undan því að klára allt sem matseljurnar hella upp á.
....svo erum það við sem mætum á hverjum einasta degi, þömbum staðið kaffi og gerum gys hvert að öðru svona á milli þess sem að við gluggum í bækur og sinnum verkefnum annarinnar.

Sumarlok...

2006-09-03T23:52:00.000Z

jæja... mætti halda að þessi síða væri endanlega í andarslitrunum eftir ekki mjög langan líftíma.... Komin tími á að blása inn svolitlu lífi hérna.
Sumarið er búið og skólinn byrjaður, Bionerdics ásamt fleiri líffræðinemum fóru á Mývatn í síðustu viku og unnu þar við sýnatöku og vinnslu í 5 daga eða svo. Margt skemmtilegt fór þar fram og er ég kannski ekki besti kandidatinn í að segja frá því... Kannski Marinó eða Ingi taki að sér að skrifa eitthvað skemmtilegt enda fóru þeir vasklega fram í hinum og þessum uppákomum. Einnig var nú slatti af myndum tekinn og er það vonandi væntanlegt inn á myndasíðuna í ekki svo mjög fjarlægri framtíð.
En annars er ég komin með flensu og sé mér ekki fært að mæta í fyrsta sjávarvistfræðitímann á morgun... því miður. Eru einhverjir fleiri með flensu??!

Fimmta alþjóðlega ráðstefnan um bleikjur...

2006-08-08T22:01:00.000Z

... var haldin í Öskju 2. - 5. ágúst og var okkur hólafólki boðið að mæta. Fróðlegt var að hlusta á fyrirlestrana og er maður orðinn vel fróður um bleikju! (þykist amk vera það). Á föstudeginum voru fyrirlestrarnir búnir á hádegi og var þá farið í ferð á Þingvelli þar sem bleikja var skoðuð á hrygningarstöðvum ásamt þess að bóndi nokkur var búinn að veiða afbrigðin 4 til að líffræðingarnir gætu potað í þá með sínum eigin fingrum. Borðað var á hótel Valhöll þar sem bleikja (supprise supprise!) var í aðalrétt en þótti hún nú ekki sérstök á bragðið. Eftir það var helltum við bionerdics í okkur að sið íslenskra líffræðinga bæði á þingvöllum og svo var haldið áfram eftir að í bæinn var komið. Reyndum að sýna úglengingunum hvernig ætti að skemmta sér en þeir týndust hver á fætur öðrum!

Hólarar á Þingvöllum

Tóm gleði var í gangi eins og sést á myndinni hér fyrir ofan, en svona í djóki setti ég saman lítið vídjó með myndum sem þið getið nálgast hér!
Ég mæli með því að hægri smella á linkinn og velja "Save As" (ef þið eruð með internet explorer) eða "Save link as" (ef þið eruð með firefox) ef þið ætlið að vista þetta dót. En jæja, ég er búinn að vera algjör félagsskítur núna í kvöld því ég er búinn að vera heillengi að fá þetta vídjó svona nokkurn vegin eins og ég vil hafa það, á meðan allir hér í kringum mig eru búnir að vera að horfa á Leathal Weapon 1 og 3 =P

Bless í bili!

diskó friskó... diskó friskó

2006-08-03T11:05:00.000Z

Já það má með sanni segja að sólin hafi minna blessað okkur með nærveru sinni þetta sumarið... það hefur nú samt ekki verið mikil þoka hérna í Reykjavík þannig maður þakkar fyrir það.
Annars er verslunarmannahelgin á næsta leiti og er veðurspáin ekki sérlega heillandi... það væri þá helst að fara í Ásbyrgi, ná SigurRós og blíðunni sem á að vera þar víst. Eeeeen það er sko amk 7 tíma akstur ef ekki meira og í þokkabót mun vera mikil umferð og þar sem flestir íslendingar eru komnir með fellihýsi og tjaldvagna og hjólhýsi og ég veit ekki hvað og hvað þá er bara alveg glatað að fara um þjóðvegana á eftir þessum skrímslum. Svo ég held ég sjái bara til og ákveði þetta á síðustu stundu.... kannski mar skelli sér á Snæfellsnesið og jafnvel í Flatey, aldrei að vita.
Hrönn, Marinó, Burkni og Lísa létu sjá sig í keilusalnum í öskjuhlíð og kíkti ég á þau þar þar sem þau fóru hamförum í diskókeilu. Ég veit að Ingi er svekktur að missa af þessu en svona er þetta þegar maður er bara búin að afneita vinum sínum.... þá er manni ekki boðið í diskókeilu. Síðan var nú haldið í pool og nokkrir bjórar sötraðir, allt voða gaman.
Sindri tók Ingann á þetta og svaraði ekki símanum þegar reynt var að ná í hann. Sjö njólar handa þér Sindri, þar hefuru það!
Langar til að óska Marinó aftur til lukku með litlu stúlkuna sem hann var að eignast, til hamingju og nú bíður mar spenntur eftir að sjá myndir á heimasíðunni okkar.
Já svo á ég bara eftir að vinna í 5 daga áður en ég fer til Serbíu eftir 8 og 1/2 dag þar sem ég vonast til að njóta fallegs landslags og sólar og hita.
Sweeeet!

Í stríð við Þokuna

2006-07-30T10:40:00.000Z

Sumarið er búið að vera vægast sagt sérstakt veðurfarslega séð. Var alltaf verið að spá svaka fínu veðri síðustu tvær vikur en ákveðið fyrirbæri sem kallast ÞOKA er búin að hertaka Hóla. En hvernig fer maður í stríð við þoku. Ein hugmynd væri að fá alla Hólara út úr holunum sínum og blása og blása og blása; en það kæmi varla meira en lítið gat á þokuna sem myndi lokast aftur þegar liði yfir hólarana úr of mikilli súrefnismettun. Önnur hugmynd væri að virkja þarmagas hólara og má segja að miklar stúdíur hafa farið fram til að rannsaka hvers konar matur gefur af sér bestann árangur. Þessar rannsóknir hafa gefið af sér góða raun og eru sumir hólarar nú með hæfni í að kæfa allt líf innan 3 metra radíus frá sér ef vel liggur á þeim. Þetta hefur reynst vel í keppnum sem haldnar hafa verið fólki til mismikillar gleði.
Þriðja hugmyndin væri að hólarar reyndu að kýla í þokuna... hún hlýtur að hafa veikann blett einhvers staðar.

Fullt fullt af myndum komnar inn!

2006-07-24T23:27:00.000Z

Vegna þess hve Ingi er mikill ruddi þá fannst mér ég vera tilneyddur til að setja fleiri myndir inn ;) Góður slatti uppsafnaður og ég reyndi bara að setja inn sittlítið af hverju sem hefur á daga okkar drifið, í framhaldinu skora ég á fleiri að setja myndir inná síðuna okkar! =D

Ragna var fyrst til að fá fisk á nagla

Fullt af skemmtilegum myndum sem þið getið nálgast hér! Endilega commentið á myndirnar eða jafnvel bætið við safnið!

Það er komin sóóól!!

2006-07-19T09:18:00.000Z

Allir í sund!

Nú andar suðrið sæla.... eeeeinmitt!

2006-07-14T14:07:00.000Z

Það er viðurstyggð úti... sumarið er að verða búið og það er ekki einu sinni byrjað!!

Ekki furða að mar sé súr.... Hver ber ábyrgð á þessu?!

Ég ætla á fyllerí með þessum gaur!!

2006-07-11T13:30:00.000Z

jæja...
Allt búið.
Það var gaman á hólum, þó aðallega á föstudagssköldið þar sem menn hreinlega töpuðu sér í gleðinni og fá mikið hrós fyrir það, leikurinn kubbur var mikill ísbrjótur og mjög skemmtilegur. Reyndar voru smá vonbrigði með Stokkhólmsmeistarann... Við væntum þess að Hanna muni sýna sitt rétta andlit þegar leikurinn verður endurtekinn, vonandi í ekki svo fjarlægri framtíð. Aftur á móti þótti Sindri sýna yfirburða takta, með því að fella fjölda kubba í einu, og það er eitthvað sem fáir munu leika eftir.

Fuglinn Gosi olli jafnframt vonbrigðum með því að vera bæði þögull og í meira lagi grimmur! Mikið svekkelsi þegar það kom í ljós. Hann tók þó aðeins við sér á sunnudagsmorguninn og lét orð eins og "halló" flakka með reglulgeu millibili. Reyndar prumpaði hann nokkrum sinnum duglega og hentu menn nú gaman að því.

Á laugardeginum var svo vinnuaðstaða hólara skoðuð og var gaman að sjá það. Heiti potturinn á króknum stóð einnig fyrir sínu. Veikindi, að líkindum vegna enteróveiru, ollu því að ekki var alveg jafn mikið fjör á laugardagskvöldið, þó munu einhverjir hafa spilað rassinn úr buxunum í umræddum kubbleik en ég veit nú ekki alveg hvernig það fór.

Á sunnudag um hádegi þá var haldið á vatnalífssýninguna um hádegið, henni var síðan frestað þar sem Gummi sýningamaður þurfti að fara í hádegismat eftir að hafa haldið fjölda sýninga um morguninn. En um eitt leitið varð svo vatnalífssýningin að veruleika og mátti þar sko sjá margt skrítið og skemmtilegt. Lungnafiskurinn, síkliðinn úr Malavívatni, vakti þó án efa mesta lukku.

Jæja, sé ég að gleyma einhverju þá bætið þið því bara inn...
Takk fyrir mig

achtung....

2006-07-04T08:59:00.000Z

Jæja þá eru eingöngu 4 dagar í að langþráð útilega bionerdics verði að veruleika.
Búið er að gera smá breytingar á plönum þar sem þetta var heldur svona tæpt að fara á fyllerí á laugardegi, mæta í massaerfitt (amk sýndist mér það af á heimasíðu rafting.is) river rafting sem tekur 6-7 tíma, um hádegi og eiga svo eftir að keyra í bæinn um kvöldið.... Heldur stór biti í þetta skiptið þannig að í staðinn er verið að athuga með siglingu út í Drangey á laugardeginum. Það verður líka aðeins ódýrara og býst ég við að flestir séu sáttir með það.

Ég hringdi inn á hóla í gær þar sem Sindri var að veiða einn stóran í beinni þannig að vonandi fáum við ferskan fisk í matinn þegar við komum...

Svo með bíla þá er komið á hreint að Gaui fer með Sæma og Vigdísi og ætla þau að leggja af stað upp úr 4 á föstudaginn...
Kannski ég fari með Eydísi og við getum þá pikkað Lýð upp í Borgarnesi...
Þetta er allt að skýrast.
Ennþá eftir að tékka með Sögu og félaga.

10 dagar til stefnu....

2006-06-27T09:39:00.000Z

Ok... Allt að gerast í þessum útileiguumræðum bara, fólk að ákveða að koma með á Hóla og hætta við til skiptis. En það er allavega nóg af fólki til í stuð og það er spurning hvort það þurfi ekki að fara að panta í river rafting, bara rétt tíu dagar til stefnu og því sennilega um að gera að ganga í málið. Reyndar þurfum við örugglega að fá tölu á hópinn fyrst. Við þurfum líka að raða niður í bíla og svona sitthvað að ganga frá... Tjah fyrst kannski að finna bíla því mér skilst að það séu ekki svo margir sem eiga bíla í þessum hóp.
En er ekki annars málið að leggja af stað á föstudegi eftir vinnu og vera fram á sunnudag?! Taka river rafting og jafnvel Grettislaug á laugardegi og grilla um kvöldið...
Oooog allir saman nú!

Hólaferð!

2006-06-14T15:53:00.000Z

Hey dudies!
Hvenær eigum við að plana hópferð á Hóla...?! Held að það sé komin tími til að finna dagsetningu sem hentar fólki og svona. Mögulegar helgar:
29 júní-1 júlí
eða
7 - 9 júlí
eða einhverjar aðrar helgar?! Vinsamlegast kommentiði bæði hólarar, hvenær hentar ykkur, og svo þið hin upp á að finna góða helgi til að negla :)

Myndir myndir!

2006-06-12T09:49:00.000Z

Fleiri myndir komnar... Setti nokkrar valdar myndir úr vinnunni aðeins til að sýna ykkur hvernig fyrstu dagarnir eru (á eftir að breytast mikið) og svo myndir frá ferð til Hindisvíkur.
Roxanne sem er kanadískur nemi í sjálfboðastarfi (wtf?) hérna á hólum var búin að tala mikið um Hindisvík því þar átti að vera stórt sellátur. Við höfðum aldrei heyrt um Hindisvík og gerðum fastlega ráð fyrir því að hún væri eitthvað að ruglast... Þangað til Gummi fletti þessu upp á netinu og sá að á Hindisvík á Vatnsnesi er víst vinsæll túristastaður vegna mikils magns sela . Við flettum upp fengitíma og meðgöngutíma hjá selum og sáum að miklar líkur væru á því að sjá kópa um þessar stundir svo slegið var til og brunað út á Hindisvík síðasta laugardag.

Á leiðinni út á Vatnsnesið sáum við skilti sem á stóð "Hvítserkur" og við ákváðum að kíkja bara á það líka án þess að hafa minnstu hugmynd um hvað það væri =) Einnig eru myndir af því!

Hindisvík

Kíkið á myndirnar!

Myndasíðan að komast í gagnið!

2006-06-09T11:08:00.000Z

Jæja jæja!

Það virðist vera svo mikið að gera hérna í sveitinni... þó þetta sé allt svo rólegt og afslappað! Á föstudögum (í dag) er umræðufundur og rætt um grein sem dreift var í vikunni. Í gærkveldi hélst ég ákaflega illa við þessa grein (kannski sökum þess að vinnan hjá mér þessa dagana snýst um að lesa greinar) svo ég setti hausinn í bleyti og fann myndasíðu sem við komum til með að nota. Ég þurfti reyndar að borga fyrir hana (25$ per ár) en það er nú ekki mikið, sérstaklega ef það koma einhver mótframlög ;) *hint* *hint* híhí...

Amk, gerði mikla könnun á þessu og þetta á að vera önnur af tveimur sniðugustu myndasíðunum á netinu í dag og er slóðin http://www.flickr.com . Slóðin á okkar síðu er þá http://www.flickr.com/photos/bionerdics og til að mynda setti ég inn nokkrar prufumyndir sem þið getið séð hér!

Þetta er enn í smá mótun... en ég vil endilega að við byrjum sem fyrst að dúndra inn myndum, og þær eru bara flokkaðar eftir "sets", þar sem þið getið hugsað ykkur að eitt "sett" sé ein mappa. Ég ætla að reyna að muna að senda ykkur bíó-nördunum aðganginn á eftir, ef þið hafið ekki fengið póst kl 14 í dag þá endilega sendið mér mail eða sms og ég sendi ykkur aðganginn!

Nóg í bili... þarf að lesa meira um þéttleikaháðan vöxt og lifun lífvera með mikla frjósemi!

Hólafréttir

2006-06-08T12:38:00.000Z

Börnin góð! Sveitin er svo róandi, og við stundum hér fiskveiðar og fjallgöngur þegar okkur listir til. Löbbuðum upp á gvendarskál og það var alger snilld fyrir utan hvað það var sjúkt erfitt en beauty is pain eins og allir vita. Þegar líffræði-félagar koma í heimsókn er hugmynd að skella sér í rafting, eða siglingu til drangey. Bæði víst mjög skemmtilegt.
Þangað til næst,
Farðasofa. (eins og gosi "góði" segir einstaka sinnum)

Bíddu bíddu....

2006-05-31T15:46:00.000Z

Eru menn hættir að kíkja á netið eftir að sumarið kom?! Eða er almennur doði í gangi?
Er gaman á hólum?
Hvernig gekk ykkur í prófunum?
Hvenær eigum við að plana útileiguferð á hóla?

herrro...

2006-05-25T20:57:00.000Z

...byrjuð að vinna á rannsóknastofunni. Fyrstu verkefnin hafa falist í því að taka á móti sýnum og flokka í ákv. greiningar og svona. Svo var ég að gera mótefnapróf á sýnum líka... allt mjög fínt. Er að vinna með fullt af miðaldra kellingum sem allar eru með stutt hár og ótrúlega hressar. Fórum út að borða í gær og þær voru alveg þvílíkt skemmtilegar svo mar bara endaði á fylleríi með gömlu tjellingunum sem var frábært en ég fór nú samt frekar snemma heim. Heyrði að þær hressustu, sem b.t.w. eru rétt um fimmtugt, hefðu verið að skríða heim úr bænum um 6 leytið... það vantar ekki kjarnorkuna í þessar kellingar! Svo voru þær allt kvöldið að plana allskyns partý og ferðir í sumar þannig að þetta lofar alltsaman miklu góðu.

Var að reyna að plögga Serbíuferð í ágúst ... allt í vinnslu og ég á vonandi von á góðum fréttum á morgun.

Hvenær fara hólararnir á hóla?

Fór í Bónus í dag í KR peysunni minni, sem ekki er í frásögur færandi nema að ég hitti þar mann sem byrjaði að kalla áfram KR og ýmis KR hróp þegar hann sá mig.... Kom síðan að tali við mig og fór að ræða ýmis fótboltamál varðandi KR, hvort ég hefði séð leikinn í gær og svona. Ég bara verð að viðurkenna að ég fylgist ekkert rooosalega mikið með boltanum þessa dagana svo ég gat eila bara ekkert sagt. Rétt náði að koma því að að ég væri í körfunni og þá fór hann að leika svona skot á körfu, "körfunni já..." og hugsaði sig um og fór svo að tala um hvort hann gæti nú ekki bara mætt á æfingu og eitthvað. Ég vissi ekki alveg hvernig ég átti að vera en þetta endaði nú bara þannig að ég sagði honum að endilega mæta á æfingu hjá kvennaliðinu; "sjáumst bara í haust" og faldi mig svo á bak hreinlætisrekkann.

Þá er mar búinn að láta bólusetja sig við lifrarbólgu og allt í orden, svo mér ætti að vera óhætt að slútta þessu!
Ciao

Hið ljúfa líf...

2006-05-20T00:33:00.000Z

Hæja... Loksins eru prófin og sumarnámskeiðið búið og hið ljúfa líf tekið við, í bili. Í dag skunduðu nokkrir Bíó nördar niður á Austurvöll og héldu grjónasekk á lofti í dágóðan tíma. Eftir það var þambað kaffi á kaffihúsi áður en haldið var heim. Algjör snilld og skal endurtekið sem fyrst!

Í gær var eins og Halla sagði frá hlustað á Ælu og spilaði Ævar snilldarlega á gítarinn, fín stemming var í hópnum eins og þessi mynd gefur til kynna:

Einnig hafði maður smá tíma í dag til þess að hlaða myndum af myndavélinni niður á tölvuna og verð ég að sýna hina víðfrægu tungumynd sem ég hef lengi talað um =D. Ég er ekki alveg með á hreinu hvað Hrönn er að gera... Kannski er hún að leita að litlu dvergatungunni sinni híhí ;)

Svo langar mig mikið til að setja aðra mynd hérna inn af ákveðinni manneskju í sturtuklefa (nú huxa líklega allir að ég ætli að koma með mynd úr safninu mínu af Rögnu, en þetta er ekki mynd af henni), en þessi manneskja er búin að harðbanna mér það. Hvað finnst ykkur um þetta, ætti maður að birta þessa mynd eður ei? =P

Skólinn er búinn í bili

2006-05-19T15:05:00.000Z

Já... Í dag var fyrsti alvöru frídagurinn í laaaangan tíma! OG það var soldið spes... ég vaknaði af sjálfsdáðum kl hálf níu og gat ekki sofið lengur svo ég fór að dóla mér eitthvað hérna heima við. Svo svona um tíu leitið fór að síga á mann flökurleiki og þreyta ásamt almennum slappleika og ég er bara alveg sloj! Ætli líkaminn höndli þreytuna bara svona... mar spyr sig.
Annars fórum við á tónleika með Ælu í gær og það var mjög gaman. Nokkrum öllurum var stútað yfir júróvisjon og einum heilum á meðan það var búað á Silvíu. Svo var brunað á kjallarann og tóku miklir rokkarar á móti okkur þar. Ekkert nema gott um þessa tónleika að segja, tjah fyrir utan að það var svo mikill hávaði stundum að það var við sársaukamörk og þá greindi mar nú ekki tónlist frá háværum óm. En það getur líka verið af því mar er ekki vanur... og rokkararnir allir orðnir hálfheyrnalausir. EN já af þessum 3 böndum var Æla best en það er kannski líka af því að ég þekkti 3 lög... það munar um svona forskot. Og Ævar var alveg að lúkka með gítarinn... enda aðalgítarleikarinn í bandinu :)

2006-05-17T23:17:00.000Z

Tónleikar með Ælu á Stúdentakjallaranum annað kvöld!
Mikil gleði og eftirvænting hjá Bionerdics og áhangendum enda langþráðir tónleikar á ferð...
Fyrir þá sem ekki vita þá er Æla "pönk"hljómsveitin sem Ævar spilar í og hlakkar okkur mikið til að sjá hann taka á því á sviðinu.

...ljúfa líf

2006-05-14T17:18:00.000Z

Það var gott að vakna í morgun og þurfa ekki að gera nokkurn skapaðan hlut...:)

Ég er búinn að sitja úti á svölum, drekka kaffi og hlusta á Neil Young og CSNY í dag og njóta veðursins. Auk þess fór ég í tveggja tíma göngu í góða veðrinu.

Hvernig var á sumarnámskeiðinu? Er þetta killer in the park?...varla í svona veðri...

próflok handan við hornið....

2006-05-11T23:49:00.000Z

Teiti á Laugardagskvöld á Digranesv. kópavogi.... stefnt er að mætingu upp úr 6 og planið að stilla upp grilli og grilla allt sem færi gefst á! Öl og annað áfengi verður í hávegum haft ásamt mikilli gleði og vonandi sól.
Nánari upplýsingar ættu með góðu móti að fást með því að hringja í mig eftir kl 12 á laugardag.

2006-05-08T16:28:00.000Z

Hugur Höllu lýsir ljósi sem tengis ekkert þróun né fróun.

2006-05-08T10:07:00.000Z

HEY!
Ég er búin að plögga próflokaölkvöld með möguleika á grilli eða öðru slíku ef vilji er fyrir hendi... Fékk íbúðina hjá elskulegri móður minni lánaða og leyfi til að bjóða bionerdics og áhangendum í gleði!
Það væri þá næstkomandi laugardagskvöld...
Hvað segiði?!

2006-05-07T18:03:00.000Z

Heil og sæl krakkar!

Þá er það þróunarfræðin... það verður skrautlegt:)

...en hafið þið annars séð myndina Evolution með Fox Mulder?

... ef ekki þá er hérna er einn aðalleikarinn í þessari brillíant mynd! Þannig að ég ráðlegg ykkur eindregið á að horfa á hana fyrir prófið.

2006-05-03T18:49:00.000Z

ok...
Þroskunarfræðiprófið er á morgun og menn eru flestir nett tens yfir þessu og svona.
Eeeen ég bara veit það ekki.... kann ekki mikið en ég nenni þessu bara engan veginn!!! Hvað er málið, prófstress sem löngum hefur gert vart við sig í mínum beinum er horfið! Og í staðin kom eirðarleysi og tjah, hvað kallar maður það....... já leti!

jú, mér líður akkurat eins og ég lít út á þessari fallegu mynd.

2006-04-29T13:34:00.000Z

Hello kids!Leiðist eitthvað heima við að gera fiskifræðiritgerðina, og fann þessa mynd frá Vestmanneyjum =). Finnst Ævar tvímælalaust eiga verðlaun skilið fyrir flottustu múnderinguna! Eigiði annars bara góðan dag...
Peace Out!

2006-04-26T17:29:00.000Z

Okkar ástkæri Maríus Blomsterberg sagði eitt sinn "Hver er Lóendanl?" Og aðrir námsmenn sögðu "huh, ha?". Kom þá í ljós að Maríus ályktaði sem svo að L-óendanlegt væri Hr. Lóendanl sem hafð samið einhverja jöfnu. Í tilefni dagsins er Maríus kallaður fullu nafni: Maríus Lóendal Blomsterberg. Annars tíndi ég til smá myndræna uppryfjun í tilefni dagsins.
Húrra Húrra Húrra.

2006-04-25T09:56:00.000Z

hey hó.....
vissuði að Björk Guðmundsdóttir er snillingur?!

Prófin að hellast yfir mann og þrátt fyrir að aðeins tveir dagar séu í fyrsta próf þá er ég samt ekki komin í gírinn... Hver ber ábyrgð á þessu?!
sennilega sá sami og á öllu hinu.
En það er gott að vera í sólheimum í faðmi fiskavistfræði og orgeltóna að ofan.
Kaffið kemur líka sterkt inn, en ekki sjóða það því þá er illt í efni!
En annars
bara til hamingju!

2006-04-22T13:45:00.000Z

Helló og hæ.. Og gleðilegt sumar allir sem einn...
Ég er hérna í vinnunni á laugardegi að stressast upp því ég ætti nú að vera að læra.. Stressið er svona að læðast hægt og rólega... jú nó..
En svona til að reyna að dreyfa huganum aðeins þá fór ég einn á www.b2.is til aðtuga hvort ég fyndi ekki eitthvað fyndið þar.. En í staðinn rakst ég á soldið sem mér finnst frekar ógeðslegt.. Veit eiginlega ekki hvort þetta sé gott eða slæmt...
Finna ekki til sársauka
Margir af íbúum í sænska bænum Gällivare finna ekki til sársauka. Vísindamenn segja að ástæðan sé væntanlega of mikill skyldleiki fólksins. Um 40 manns, einkum þó börn, hafa greinst með þennan sjúkdóm, sem stafar af arfgengum galla í litningi sem veldur því að af því að taugakerfið þroskast ekki rétt.
Blaðið Norrländska Socialdemokraten í Uppsölum í Svíþjóð skýrir frá þessu en Jan Minde, yfirlæknir á sjúkrahúsinu í Gällivare mun í næstu viku verja doktorsritgerð, sem fjallar um rannsóknir hans á sjúkdómnum, sem staðið hafa í 10 ár.
Minde segir í samtali við blaðið, að drengur hafi fótbrotnað við að falla niður af vegg en fann ekkert fyrir brotinu. Þá segir hann að stúlka hafi leikið sér að því að hoppa úr um 2 metra hæð og lenda á hnjánum. Henni hafi þótt skemmtilegt að heyra hljóðið í hnéskeljunum, þegar hún lenti, og það fannst vinum hennar einnig, en stúlkan fann ekki fyrir neinu.
Minde segir að sjúkdómurinn leggist einkum á neðri hluta fótanna og hafi valdið örkumlum sem reynt hafi verið að laga með skurðaðgerðum og jafnvel gervilimum.

Hvað finnst ykkur...???

2006-04-20T21:27:00.000Z

Eitt hérna...
Dagurinn sem Sæmi, góðvinur bionerdics síðunnar, kynnti mig fyrir text(locator) var dagurinn sem líf mitt flæktist og smávægileg vandamál mín breyttust í óyfirstíganlegt svartnætti.
Ég mun sennilega aldrei komast yfir þetta!
I´m gravy

2006-04-20T11:54:00.000Z

Góðan dag góðir hálsar!

Gleðilegan sumardaginn fyrsta! og að þessu sinni mun hann vera tileinkaður Herra William Ricker. Fyrir þá sem vita ekki hver herra Ricker var þá var hann fiskifræðingur mikill og bjó til bestu jöfnu til að meta samband nýliða og hrygningarstofns sem til er! Herra Ricker dó úr veikindum 8 september 2001 í Nanaimo 93ja ára gamall! Hér má finna grein um hann og uppi til vinstri mun vera hægt að sjá vídjó af honum segjandi einhverja speki!

Eigiði góðan dag!

2006-04-18T18:52:00.000Z

jæja...
plan morgundagsins er eftirfarandi:
8:15: Evo-Devo fyrirlestur hjá Einari Árna aka Einsa OK aka Einari bingó ég er kominn heim
9:40: Gömul próf skoðuð í góðum félagsskap Gunna Stef (...nothing fancy there)
11:10: Tölvustofan tekin traustataki og vinnsla í 5 verkefni keyrð fram eftir
....hljómar spennó

2006-04-18T14:15:00.000Z

Góðan og blessaðann daginn gott fólk og takk fyrir síðast.

Hvernig er líðan á þessum sólbjarta vordegi?

Ég tók eftir því að í afmælispartýinu hennar Rögnu í gær voru nokkrir einstaklingar sem þóttu sopinn ansi góður. Hér verða engin nöfn nefnd. Eftir að hafa orðið vitni að þessu í gærkvöldi ákvað ég að benda á einn ágætan snepill sem viðkomandi einstaklingar hefðu örugglega gagn af.

2006-04-17T12:09:00.000Z

Vá, gaman gaman!

Ég bjó þetta til og svo brunaði ég beint úr siðmenningunni í annan heim án internets og slíks munaðs... Svo kom ég bara til baka og mörg mörg blogg komin! Við Ragnovich sendum samt Hrönn ammæliskveðjur á sms formi en fengum ekki einusinni takk tilbaka... puff! ;)

Það var leiðinlegt já að það gerði ekki betra veður á sjóinn en við Ragna fórum samt í stuttann bíltúr og heimsóttum gamla settið mitt í Hólminum... en fórum fljótt til baka í sveitasæluna þar sem lítið annað var gert en að borða kökur og leggja sig þess á milli.

En hvað um það... Ragna skvísa á Ammæli í dag og verður hún 24 ára hnátan... Svo vér skulum endurtaka leika og fara með afmælisvísuna á öllum tungum! Til hamingju sæta!

Afmælið er í kvöld og við skulum fjölmenna!

2006-04-14T10:47:00.000Z

TIL HAMINGJU MEÐ AMMÆLIÐ HRÖNN!!

Guten tag meine lieben nerdischens!!
Já Hrönn er orðin 23 og gott ef hún er ekki komin með tvö ný skegghár í andlitið og nýja hrukku í kringum munninn... óskum henni til hamingju með það!
Annars er það að frétta úr Stykkisfirði að planið í dag var að fara í sjóferð um Breiðafjörð með jú Gummovich, Allanovich, Mááríusi og Ragnovich.... en í morgun kom símtal þar sem tilkynnt var um ófærð, rok og undiröldu svo þannig fór um sjóferð þá..... í bili allavega. Ætlum að tékka aftur á morgun, svo enn eru vonir uppi.
Annars gefur þetta mér tækifæri til að starta þessarti blessuðu ritgerð sem ég á yfir höfði mér svo stefnan er tekin þangað núna. Verst að það er ekki hægt að fá gott kaffi í hólminum... ótrúlegt alveg hreint!
Þessa stundina á ég í mikilli innbyrðis togstreitu þar sem Toy Story 2 í sjónvarpinu en tölvan og ritgerðin bíða... ég ætti að byrja á ritgerðinni en ég meina... Bósi Ljósár er bara svo god damn sexy!!
Þangað til næst elskurnar

2006-04-13T12:36:00.000Z

Hvað segiði elskurnar...?
Eruði farin í ferðalag ....

....eða eruð þið að læra ?